مـدام انّك ملـكت القـلب وعــروقه يلبّونك تمخطـر بالحشـا

[توتو]

مـدام انّك ملـكت القـلب وعــروقه يلبّونك تمخطـر بالحشـا

تفنّنت بغرامك والغلا هـو سيّـد فنونـك
تمكّنت بغلاك وصرت تمشـي فـي شرايينـي


وش اللي صار فالدنيا ليا ناظـرت بعيونـك
انا في حلم والا علم!!.. اليا شافتك عينـي


غرقت فـموج بحرك ماوصلت لسر مكنونك
تساهلتك مع انك صعب وانت اللي معنّينـي


عشقتك من ضمير ٍما يساوم فيك ويخونـك
رغم كل الظروف اللي تجي مابينـك وبينـي


وعاهدتك عهد ماغيرك احدٍ يقرب حصونك
معك طال الزمن والاّ قصر ياشمعـة سنينـي


عسى الله مايوريني فراقك واعطش مزونـك
تحريتك تجي فـي يـوم تنعشنـي وتروينـي


عليك الله وأمانه كيف اعيش العمرمن دونك
وانا اللي لا تذكرتك نسيت اللـي يحاكينـي


( أحبّك ) كلمةٍ تكشف غلاك وتطرد ظنونك
وترضي خاطرك واللي يجيني منـك يرضينـي


تقرّب من حبيبـك والعـواذل لا يهمّونـك
وانا لا همني غيـرك ,, ولا غيـرك بيعنينـي


مدام انّك ملكت القلب وعروقـه يلبّونـك
تمخطر بالحشا ( لبّى ) حشاي وكل مافينـي

للمزيد من مواضيعي

 

[يتيم المشاعر]

أنا أول من حضر ولن أخبرك
كيف حرفكِ باذخ ويلامس الوجدان


حقا حروفك رائعة